|
|
||
|
台語笑話(3) 溫惠雄編輯
行(kiâ°)路 佮(kap) 跑(cháu)路 2003年我佇維也納參加一位台灣小留學生鋼琴演奏會，伊的母舅對台灣來聽伊演奏會，伊講『阿舅你佮溫先生用『跑(cháu)路』去，我坐地下鐵』伊的阿舅講『甚麼跑(cháu)路！跑(cháu)路是欠人的錢，或是犯罪的人政府欲掠逃跑(cháu)，愛講行(kiâ°)路，姆通用北京話的『走路』直接用台灣話來講，會笑死人』
愛台灣簽証 1979年美國承認中華人民共和國，台灣政府將駐美領事館改名『亞東協調處』，彼年南加州台灣人長輩會也成立，當時負責輪流當值的理事，常常接著用英語講欲台灣簽証，聽電話的人沙(sa)攏無？有的英語無真好的長輩姆知講甚麼碗哥？後來才知尋台灣領事館欲簽証去台灣，因為當時電話簿只有南加州台灣人長輩會敢用『台灣』的名，台灣政府連台灣國內也不准用『台灣』，實在真夭壽，害遮的長輩真無閑閣sa攏無？現在遮改台北經濟文化處，姆知何時會正名『台灣領事館』
愛到掠逛 『喔，心愛的，我愛你愛到掠逛(liãh-kông)，嫁予(hö)我，我雖然無親像阿舍遐(hia)好額，無阿舍的豪華汽車，無阿舍súi 閣闊的厝，無阿舍的遐(hia)濟(che)股票，呣kuh 我百分之一百愛你，無你我會死！』 『喔，心愛的，我嘛是愛你，喔，著là 你講的彼的阿舍佇叨位?』
後擺我一定踏腳到 『你有夠無意思，我這擺破病滯院欲一個月，你攏無踏腳到』 阿明感覺真歹勢講『我實在真無閑，愛上班，嘛愛jiok三點半，規家伙大大細(sè)細攏愛我照顧，我那有時間，這擺真失禮，後擺我一定踏腳到』
阿媽的白頭毛 讀一年級的查某囡仔問老母講『人食老才會發白頭毛，是按怎你即三十外歲就發白頭毛？』阿母應講『囡仔人無乖，予(h¬)阿母受氣，阿母就會發白頭毛』 查某囡仔聽了，若想著甚麼大代誌，目睭展大蕊，嘴角咪咪阿笑，大力拍一下phok阿，喝講『按呢我知影了，我即馬知影是按怎阿媽的白頭毛 那會攏是白的』 ]]
看法仝款 二個查某人teh開講 陳小姐『你感覺佇咱邊仔的男士中間，叨一位上緣投，上有風度？』 李小姐『當然是王先生』 陳小姐『按怎講？』 李小姐『伊真有錢』 陳小姐『著啦！咱的看法完全仝款』 註解 仝款(kang-khóan) 一樣
日頭驚月娘 小弟對大兄講『日頭一定是驚月娘』 大兄『你那會知影？』 小弟『因為伊干單敢日時出來，暗時月娘一下出來，伊就匿(bih)起來，毌(˜)敢出來。』
鋼筆無耳阿 阿香無小心，拍˜去一枝鋼筆，伊心內真無歡喜，阿珠kä伊出一個主意，『叫學校kä你廣播一下，kä你鬥(tàu)尋(chhöe)』 阿香聽了，頭殼摸摸咧講『böe 使鋼筆無耳阿啦』
鴨母的腳 『阿爸，為甚物鴨母的腳遐爾(hiah-ne)短？』 『戇(göng)人，連這叨˜ 知，若是鴨母的腳傷(siu°)長，生卵的時，卵就會破去阿』
夢中人 『有夠恐怖！昨(chang )暝我夢見我家己一個人佮(kap)100個金髮女郎，100個烏髮女郎做陣』 『按呢你卯死啦！有甚麼恐怖？』 『佇夢中我嘛是查某』 |
||