台灣俗語答嘴鼓5

「拍斷手骨顛倒勇」-------公投救台灣  三叔公

九嬸婆 : 三叔公 , 民進黨立委選舉輸到這慘 , 欲按怎才好 ?

三叔公 : 九嬸婆 , 台灣人若覺醒「拍斷手骨顛倒勇」

九嬸婆 : 按怎覺醒 ?

三叔公 : 台灣立委院中國黨佔四分之三 , 通講「規碗捧」欲罷免總統、倒閣、錢

             坑法案、退伍榮民每人350萬元起厝 , 上危險中國黨連戰到中國「聯共

       制台」,馬英九「終極統一」台灣互中國統去 ,「欲哮無目尿 ,欲哭

       無路來」

九嬸婆 : 你看有什麼辦法救台灣。

三叔公 : 台灣人若呣愛互中國人統治 , 上簡單3月22日選總統 , 一定選民進黨

             謝長廷 , 公投入聯合國一定要過。若無全世界的人 , 認為台灣人無欲獨

             立 , 愛互中國管。

九嬸婆 : 按呢就真危險 , 舊年尾拆中正廟「大中至正」改為台灣「民主廣場」時 ,

             馬英九講 ,他若選著 , 欲改倒轉去。

三叔公 : 是啦 , 我認為民進黨八年執政最感動我的 , 就是將殺人魔王蔣介石 e中

             正 廟改做台灣民主紀念館 , 將中正機場改做桃園機場 , 特別「台灣三

             傑」杜正勝、莊國榮、謝志偉，咱要支持鼓勵台灣英雄。若無恁(in)三

             的 , 民進黨基本盤就崩崩去了。

九嬸婆 : 所以你認為一定選台灣的謝長廷 , 公投台灣的名入聯合國 ?

三叔公 : 是啦 , 欲救台灣 , 只有公投台灣獨立建國 , 世界才會承認咱。