台灣俗語答嘴鼓4

『做賊喝掠賊，拍人喝救人』三叔公

連戰連輸毌認輸

 九嬸婆 : 三叔公 ,對欲選台灣總統以來，中國黨攏風聲有人欲暗殺馬英九，敢有影？

三叔公 : 這是中國黨『做賊喝掠賊，拍人喝救人』。

 九嬸婆 : 是按怎講？

 三叔公 : 幾位算命仙，包掛一位查某美國仔，對美國請來看，攏講有人欲暗殺馬英九，

後來有人調查，這的查某美國仔算命仙，佇美國無人捌(bat)伊

  九嬸婆 : 有什麼原因 放風聲講有人欲暗殺馬英九?是毌是馬英九欲學阿扁總統『自導自演』？

  三叔公 : 有可能是中國黨欲暗殺謝長廷，『做賊喝掠賊，拍人喝救人』

        親像319暗殺阿扁無死，講阿扁仔『自導自演』，不過深藍的神探李昌鈺證明阿扁仔實在予人拍著，蔣介石的白木矸仔孫蔣友柏，真聰明講公道話，講『自導自演』奇美小護士到今攏尋攏無？若準有影奇美病院院長詹啟賢老早向中國黨請功啦『鴨寮內若有隔冥肚蚓！』蔣友柏閣講『連戰連輸毌認輸』，連in阿祖，阿公的中國黨受著大連累，漏氣。你豈知『暗殺』是中國黨成功的祕方！

   九嬸婆 : 是按怎『暗殺』是中國黨成功的祕方！

   三叔公 : 中國黨的孫中山出身洪門，蔣介石是青幫，佇上海佮黑道老大杜月笙結拜兄弟伊佇上海暗殺滯佇廣慈病院陶成章，走路去日本。蔣經國時代，派竹聯幫陳啟禮到美國暗殺江南，林義雄的母女，陳文成攏受暗殺。『連戰連輸毌認輸』亂8年，所以這擺馬英九böe 使輸！謝長廷真危險，愛注意中國黨『做賊喝掠賊，拍人喝救人』。